Prebentzioaren integrazioaren inguruan gaur egun indarrean dauden arauekin bat etorriz, FREMAPek maila ezberdinetako mintegiak antolatu eta enpresen eskura jarri ditu, Lan Arriskuen Prebentzioari buruzko informazioa zabaltzeko eta jendeari kontzientzia hartzen laguntzeko. Hona hemen eskainitako mintegiak:
- Prebentzioaren Kudeaketa Sistemei buruzko mintegiak. Mintegi horietan, ikuspegi praktiko bati helduz eta enpresaren premia zehatzei egokituz, Prebentzioaren antolaketaren eta kudeaketaren alderdi garrantzitsuenei arreta egiten zaie eta erreferentziazko ereduak aztertzen dira; bereziki, OHSAS 18001 zehaztapena.
- Agintarientzako berariazko mintegiak. Mintegi hauek Giza-baliabideetan, Proiektuetan, Erosketetan, Fabrikazioan, Mantentze-lanetan eta beste arlo batzuetan arduradun diren langileei zuzenduta daude. Mintegietako edukiak parte hartzen duten arduradun horien enpresetako arriskuei eta prebentzioaren eremuan dituzten premiei egokituta emango dira.
Prebentzioko profesionalen, zuzendarien eta agintarien eguneratze teknikoa errazteko, jardunaldi zikloak deitzen dira sei hilero. Jardunaldi hauek ezaugarri hauek dituzte:
- Espezializazio maila altuko gai zehatza, honek Prebentzioko (22), Segurtasuneko (24), Higiene Industrialeko (21), Ergonomia eta Psikosoziologiako (18) araudian, antolakuntzan eta kudeaketan eragina duten 85 titulu desberdin barne hartzen ditu.
- Jardunaldiak gai bakoitzean espezializatuta dauden eta esperientzia zabala duten FREMAPeko teknikariek emango dituzte.
- Ikuspegia bereziki praktikoa da enpresako jardueran zuzenean aplikatzeko.
- Hiru ordu inguruko saioak izango direnez, bertaratzen direnek gaiak sakonean aztertzeko eta esku hartzeko denbora izango dute.
- Deialdia eta posta elektroniko bidez izena ematea. Seihileko bakoitzerako aurreikusitako programazioa FREMAPeko Prebentziorako Informazio Zerbitzuko harpidedun guztiei komunikatzen zaie, jardunaldiaren edo mintegiaren titulua, ospakizun data, lekua eta nori zuzenduta dagoen adieraziz.
Jardunaldi bakoitzeko izen-emate epea ospatu baino hogei egun lehenago irekitzen da, esandako informazio zerbitzuko erabiltzaileen aldi berean jardueraren programa zehatza emanez. Jardunaldiaren dokumentazioa jardunaldia egin eta hurrengo egunean emango da.
Komunikazioak eta honi buruzko informazio guztia - elkartutako enpresek hautatutako pertsona guztiei bidali daiteke - posta elektroniko bidez banatzen da, aurretik aipatutako zerbitzuan harpidetza egin bada 
.
FREMAPek Prebentzioaren integrazioarekin lotutako gai zehatzetan espezializatu behar duten zuzendari, teknikari eta arduradunei zuzendutako lantegiak antolatzen ditu, enpresaren kudeaketa sisteman dauzkaten betebehar orokorrak kontuan hartuta.
Eduki praktikoak ematen dira, talde txikietan, eta ikastaroek 15-20 ordu dituzte. Gaur gaurkoz, honako gai hauen inguruko ikastaroak eskaintzen dira:
- Makinetako segurtasunerako babes-neurrien analisia, ebaluazioa eta diseinua.
- Atmosfera lehergarrietatik eratorritako arriskuen analisia, ebaluazioa eta kudeaketa.
- Laneko segurtasun eta osasunaren kudeaketa sistemen barne-ikuskaritza.
- OHSAS 18001en ezarpena: 2007, Laneko Segurtasun eta Osasunaren Kudeaketa Sistemak.
- Instalazioen ikuskapena - ATEX.
- Mugikortasun murriztua duten gaixoen manipulazioa.
- Industria-zarata.
- Babes pertsonalerako ekipoen aukeraketa eta erabilera.
FREMAPek elkartutako enpresetan Prebentzioaren integrazioa sustatze aldera egiten duen lanaren barne, enpresoi euroi egokitutako sentsibilizazio eta zabalkuntzazko kanpainak ere garatzen ditu.
Ekimen horiek enpresen lantokietan bertan antolatzen ditu, xede honekin: enpresaren prebentzio jardueraren alderdi jakinen bat zuzentzea edo hobetzea, baldin eta esku hartzea eskatzen duen gabeziaren bat aurkitu bada.
Bere eskarmentu handia da, hain zuzen ere, FREMAPek prebentzio arloan erabiltzen duen planteamenduaren egokitasunaren eta eraginkortasunaren bermerik onena. Izan ere,
- FREMAPek enpresa bakoitzaren behar zehatzetara moldatzeko gaitasuna du.
- FREMAPeko teknikarien prestakuntza-maila nabarmena da eta esperientzia handia dute halako jardueretan.
- Erantzun azkarra aurkitutako beharren aurrean, FEMAPek egindako material dibulgatzaileko katalogo zabal bati esker. Katalogo honek zera barne hartzen du: kartelak , klipak , diptikoak , DVD , liburuak , eskuliburuak eta triptikoak , eduki orokorren edota ekoizpen sektore edo arrisku zehatzen ingurukoak.
